• Etzan zaitez zoruan alfonbra edo tapaki baten gainean, tolestu belaunak eta bereizi oinak 20 cm inguru, poliki-poliki kanporantz zuzenduz. Bizkarra zuzen eduki.
• Aztertu zure gorputza tentsio-zeinuen bila.
• Jarri esku bat abdomenaren gainean, bi hatz zilborraren azpitik, eta beste bat toraxaren gainean, bi hatz zilborraren gainetik.
• Helburua da airea abdomenerantz bideratzea arnasa hartzen dugunean, muskulatura abdominalaren laguntzarekin, globo bat puztu nahiko bagenu bezala.
• Hartu airea sudurretik astiro eta sakon, eta bidera ezazu urdailera borondatez, igoz, nabarituz abdomenaren gainean jarritako eskua igo egiten dela, eta beste eskua, toraxarena, ia ez dela mugitzen.
• Bota airea sudurretik edo ahotik, atseginagoa iruditzen zaizun tokitik eta, aldi berean, airea sudurretik bota ahala, sartu sabelaldea barrualderantz, bizkarralderantz, batere airerik gabe gelditu arte.
• Arnasketa geldoak eta sakonak egin, txanda batean edo bitan, 5-10 minutuz, egunean behin edo bitan.
• Arnasketa hau egin dezakezu, bai etzanda, bai eserita edo zutik. Garrantzitsuena abdomenaren goranzko eta beheranzko mugimenduan kontzentratzea da, baita airea biriketara sartzeko eta biriketatik irteteko moduan ere.
• Emaitza erlaxazio sakoneko sentsazioa da.

 Erlaxazio saioa