TXARTEL HORIA-BOK

Botiken ondorio kaltegarriak jakinarazteko sistema

acceder a formulario de notificación                   ​​​​​​​

Nafarroako inprimakia-TXARTEL HORIA

Ondorio kaltegarriak jakinaraztea

Osasuneko profesionalek beren lan-eremuan detektatzen dituzten botiken ondorio kaltegarrien susmo guztiak jakinarazi behar dituzte.

Botikek sor dezaketen bilatu gabeko edozein eragin kaltegarri jotzen da ondorio kaltegarritzat.

Edozein botikaren ondorio kaltegarri larrien edo espero gabekoen susmoak eta jarraipen gehigarria behar duten botikekin lotutako ondorio kaltegarrien susmoak jakinarazteari emanen zaie lehentasuna. Azken horiek, beren prospektuan eta fitxa teknikoan, triangelu beltz alderantzikatu batekin identifikatuta daude eta ondoan azalpen-esaldi bat agertzen da: "▼Botika honi jarraipen gehigarria egin behar zaio".

Jakinarazpenen ondoreetarako, botiken mendekotasunak, abusuak eta erabilera okerrak eragindako ondorio kliniko kaltegarri oro ere –baimendutako baldintzetatik kanpo erabiltzearekin eta medikazio-akatsekin lotutakoak barne– ondorio kaltegarritzat hartuko dira. Azken kasu horretan, inguruabar hori txartel horian zehaztuko da.

Botika batek edozein koadro kliniko sortu duen edo horren agerpenean parte hartu duen susmo hutsa nahikoa da Farmakozaintza Zentroari jakinarazteko. Ondorio kaltegarri ezezagunak detektatzeko faktore garrantzitsu bat da hori. Farmakozaintzaren helburuetako bat lortzeko da garrantzitsua susmoak jakinaraztea: ondorio kaltegarri ezezagunak detektatzeko.

Botiken ondorio kaltegarrien susmoen dokumentazio klinikoa gorde egin behar da, eta, behar izanez gero, jarraipen-informazioa jakinarazi.

  1. PROFESIONALEK, NAHITAEZ: Medikuak, farmazialariak, odontologoak, erizainak eta beste osasun-profesional batzuk jakinaraztera behartuta daude, baita botikak merkaturatzeko baimena duten laborategiak ere.
      

  2. HERRITARREK, NAHI BADUTE: Edonork jakinaraz ditzake botiken ondorio kaltegarrien susmoak, dela profesionalen bidez, dela bere kabuz zuzenean Espainiako Farmakozaintza Sistemari, web inprimaki baten bidez. Inprimakiaren web-orrirako sarbidea botika bakoitzaren erabilera-orrian dago adierazita.

Osasun langile bati esaten ahal diozu hark jakinaraz dezan, edo zuk zeuk jakinarazten ahal diozu zuzenean Nafarroako Farmakozaintza Zentroari, Internet bidez, helbide hauetan:

www.ram.navarra.es

www.notificaram.es

 

Botikak hartu aurretik erabilera-orria irakurri behar da eta, zeinahi ondorio kaltegarri izanez gero, osasun-profesionalei jakinarazi behar zaie.
 

AEMPS BALIABIDEAK

BOTIKEN  ETA OSASUN PRODUKTUEN ESPAINIAKO AGENTZIA (AEMPS) 

Jakinarazteko irizpideak eta jarraibideak

Botikekin lotutako ondorio kaltegarrien (BOK) susmoak jakinarazteko inprimakia da, paperezkoa edo elektronikoa.

Jakinarazpen-inprimakiak Farmakozaintza Zentrora bidaltzen dira. Zentroak BOKak ebaluatu, kodetu eta datu-base nazional batean (FEDRA) sartzen ditu eta datu-base hori, era berean, OMEren base nagusira konektatuta dago. Informazio hori aztertuta, osasun-agintariek neurri arautzaile zehatzak har ditzakete ondorio kaltegarriak agertzen direnean, merkatutik kentzea barne.

Hala jakinarazlearen nola pazientearen datuak isilpekoak dira.

  • Identifikatzeko moduko paziente bat (izena edo inizialak eta/edo sexua eta/edo adina).

  • Gutxienez botika susmagarri bat.

  • Gutxienez ondorio kaltegarri bat.

  • Jakinarazle identifikagarri bat (izena, lanbidea, telefonoa eta helbidea).

  • Farmakoak: tratamenduaren hasierako eta amaierako data, posologia, hartzeko bidea, preskripzioaren arrazoia. Pazienteak hartzen dituen botika guztiak jakinarazi behar dira, automedikaziokoak barne, ahal dela marka komertzialak zehaztuz.
  • Ondorioak: BOKaren hasierako data eta amaierako data eta bukaera.
  • Tratamenduari dagokionez hartutako neurriak.
  • Oharrak: kasuaren ezagutza hobetzen laguntzen duen edozein datu interesgarri (miaketa osagarriak, aurrekariak, etab.).

  • Diagnostiko bereizleak egitean, botikei lotutako ondorio kaltegarriak tartean egoteko aukera aztertu.

  • Susma ezazu ondorio kaltegarri bat dela sintoma bat:

    • farmakoa hartu eta berehala agertzen bada

    • dosia handitu ondoren agertzen bada

    • farmakoa hartzeari uztean desagertzen bada

    • berriro hartzen hastean agertzen bada (nahi gabeko berresposizioa)

  • Bidali txartel hori bat kasu bakoitzerako; izan ere, paziente multzo bati buruzko jakinarazpenak ezin dira kodetu.

  • Beti jakinarazi, nahiz eta eskatzen den informazioaren zati bat ez ezagutu.

  • Botika baten ondorio kaltegarri bat jakinarazi behar den edo ez argi ez baduzu, beti jakinarazi.