Urteroko laguntza-deialdi bat da, Nafarroako Gobernuak sustatua, finantzaketa publikoa duten medikamentuak erosteko, eta haren helburua da farmakoen kostua ez dadila eragozpena izan baliabide gutxien dituzten pertsonentzat.

Onuradun izan daitezke;

Nafarroako Foru Komunitatean bizi direnak, baldin eta:

• Osasunbidea-Nafarroako Osasun Zerbitzuak emandako osasun-txartel indibidualaren titularrak badira.

• Urtean 18.000 eurotik beherako errenta badute, 2024ko ekitaldiko errenta-aitorpenaren arabera.

• 2025eko urritik 2026ko irailera bitartean finantzatutako tratamendu medikoetan prestazio farmazeutikoa jasotzeko eskubidea izatea. 

• Eta, bere laguntza-eskaeraren eta/edo bere onuradunen eskaeraren sarrera-datan, eskatzaile titularren egoera honako hauetako bat badute:

  • a) Gizarte Segurantzaren titular aseguratu aktiboa edo antzeko egoera izatea.
  • b) Erakunde eskudunak funts publikoen kontura farmazia-prestazioa jasotzeko eskubidea aitortuta izatea.
  • c) MUFACE, MUGEJU eta ISFASeko mutualisten kolektibokoa izatea eta osasun-zerbitzuak Osasunbidea-Nafarroako Osasun Zerbitzuaren bidez jasotzea hautatu izana.

Epea irekita dagoen hilabeteetan eska daitezke, dagokion deialdiaren oinarri arautzaileek adierazten dutenaren arabera.

INTERNET BIDEZ, bi gune hauetako zeinahiren bidez

• Nafarroako Gobernuaren izapideen  webgunea

• Osasun Karpeta Pertsonala

AURREZ AURRE

• zure osasun-etxean edo ohiko kontsultategian

• Iruñean, Farmaziako Prestazioaren Kudeaketarako Zerbitzuan (Bakearen plaza z.g., 4. solairua - Oliveto kondea eraikina).

• osasun-txartelaren titularrak edo

• haren ordezkari batek, ordezkatutako pertsonaren NANa aurkeztuta.

• Laguntza eskaera

• NAN edo PASAPORTEA

• Bankuko kontuaren zenbakia.

• Fakturak aurkeztea beharrezkoa da medikamentuak Nafarroatik kanpo edo paperezko errezetaren bidez erosi direnean, besterik ez.