Nafarroako Lan Osasuneko Irakaskuntza Unitate Multiprofesionala (NLOIUM) Nafarroako Osasun Publikoaren eta Lan Osasunaren Institutuari (NOPLOI) atxikita dago. Egoitza soziala Landaben poligonoan du (E/F kaleak, P. kd.: 31012 - Iruña. NOPLOIk 100 profesional baino gehiago ditu lan osasunaren arloan, eta aurrera egiten du zentroko profesionalen gaikuntza etengabe hobetzeko bidean. Era berean, profesionalek irakaskuntza-unitate hau sendotzen dute, eta egitura eta koordinazioa eskaintzen dizkiete unitate honekin lankidetzan arituko diren enpresa eta erakundeei. Halaber, euskarri zientifikoa, prestakuntza espezializatua egiteko. Horregatik, NLOIUM berria akreditatu zen, gehienez ere medikuntzako hiru egoiliarrentzat eta laneko erizaintzako hiru egoiliarrentzat urteko. NLOIUMren proiektu hau profesional batzuen lan handiaren emaitza da, ilusioa baitugu Laneko Medikuntza edo Laneko Erizaintza espezialitateko BAMEek eta BAEEek jasotzen duten prestakuntza hobetzeko eta berritzeko, eta lan sendoa egiten dugu, beti bezala, gure egoiliar guztiei kalitatezko prestakuntza eskaintzeko.