Bihotz-gutxiegitasuna duen bihotzak ez du behar bezala ponpatzen eta behar baino odol gutxiago bidaltzen du gainerako gorputz ataletara, eta horrek zorabioak, ahultasuna, nekea eta oinez egiteko edo eskailerak igotzeko zailtasuna eragiten ditu.

Ez dago bihotz-gutxiegitasuna sendatzeko tratamendurik, baina gaixotasuna kontrolatzen ahal da, baita etorkizunean okerrera egitea prebenitu ere, honako autozaintza hauen bidez: osasuntsu jan, ariketa fisikoa egin, estresa kontrolatu, ez erre, ez arnastu kutsatutako girorik eta osasun kontrolak egin.