Alergia polenari
Polenarekiko alergia biztanleen % 10ek izaten dute noizbait bizitzan zehar.
Polenarekiko alergiaren edo polinosiaren ondorio edo agerpen klinikoa errinokonjuntibitisa da; goiko arnasbideei erasaten die eta sintoma hauek ditu: sudurreko buxadura, arnasa ahotik hartzea, errinorrea (muki-jario) likido eta gardena, sudurreko hazkura eta doministikuak (hainbat elkarren segidan, sarritan), eta begiak gorritzea, betazalak handitzea, negar-jarioa eta hazkura.
Polenak beheko arnasbideei erasaten dienean asma sortzen du, eta sintoma hauek agertzen dira: arnasestua, eztula eta bularreko txistua.
Alergologiako kontsultara joateko arrazoi ohikoena da errinitisa. Izan ere, biztanle guztien % 21,5ek dute errinitis alergikoa eta biztanle guztien % 4-8k asma, 2009an argitaratutako Asma Maneiatzeko Espainiako Gidak Espainiari buruz emandako datuen arabera.
Web-orri honetan polinizazioari buruzko txostenak eskuratzen ahal dira.
Polen mailen asteroko iragarpenari buruzko informazioa SMS edo mezu elektroniko bidez jasotzeko zerrendan izena eman daiteke bide hauetatik:
-
Nafarroako Gobernuaren 012 Zerbitzura deituz.
-
Helbide elektroniko honetan eskatuz: navarra@navarra.es
Halaber, Iruñeko Udaleko Osasun Arloak astero horrelako informazioa ematen die banaka herritarrei, SMS edo mezu elektroniko bidez. Horretarako nahikoa da alta eskatzea:
-
Iruñeko Udaleko 010 telefonoan
-
Helbide elektroniko honetan: 010@pamplona.es
Beste autonomia-erkidegoren batera joan behar baduzu edo handik hurbil bizi bazara, polen mailei buruzko informazioa lortzen ahal duzu Alergologiaren eta Immunologia Klinikoaren Espainiako Elkartearen (SEAIC) esteka honetan:
Elkarte horrek alergiei eta polenari buruzko informazio mardula eskaintzen du esteka honetan: